گوناهسيزليق جهننميندن قورتولوش
و اينسانليق سئوينجينه سبب سئوگين.
-اينسانا دؤزدويوم درينلييه رغمن- .
سن
وارليغا سيچرايان ايشيق درينلييي.
باتقين ديللريمين دانيشان سندي.
اؤيكولره باغيرمالي حماسه.
و غورور يؤنهليشينين اوغورلو سونو....
جننت؛
كؤكسونون هامارليغينا آخان چايدير...
مني دورولوغونا باغيرير.
درينلييينه بوغور.
و ياشام آلدانيشينين آيدين ايناميدير
گونش آچيسيندا.
من
دانلانميش وطنيمين معصوم حقارتييم.
يامانلانان دوشونجهلر قادينليغي.
كي ياساقليقدا
عوصيان ايثباتيدير - يامان - .
لذذت بايراغينا اوجالير گؤودم
اينامسيز روحومداندا يونگول.
|
+| یازاری Yazarı
Lida Əhmədi لیدا احمدی
2008/11/13
|
