آنای Anay

X

آنای Anay

شعرله آنلاییش şeirlə anlayış


	شاعیرلر اوچون 1 شاعير عموميتده، شاعير دئديييم كيمسه دويغوسال بيري دوشونولور. عموميتي اولسا دا بيله بو دوشونجهنين، كؤكدن يانليش بير دوشونجه دير. كيمسه دويغوسالليقلا شاعير اولمور. چونكوشعر دويغو سالليقلا يارانمير. يارانيرسا شعريت قازانمير؛ عجازليغا محكوم اولور. شاعيرليك، دويغو جوشغوسو دئييل. "ديل" جوشغوسودور. ديله فرقلي توخونوشدور. فرقلي ياناشماقدير. بو فرقلي توخونوش دا، دیل ائستئعدادیدیر.... یازینین آردیYazının ardı... \|+\| یازاری Yazarı Lida Əhmədi لیدا احمدی 2008/6/18 \|


	قيامت اوتانمايا بيلمز؛ توك ساچلاريني قارا گونشلرينه... گؤرونمهسين ياغمور نازليم! تام آياقلارين كيمي دور معصوملوق گؤزلرينده يانسينِِ... و آغريلار ساچلارينلا هؤرونسون. گؤيه دوغرو دئييل بارماقلار نازلیم؛ كؤنوللره دوغرو: - بوردان بايراقلار ديكلهجك قورشونلار سسيله ماهنيلار اوخوناجاق... بوردان گله جك تانريم! - قيامت اوتانمايا بيلميز؛ آل آغيزلي يارالاريملا غرورلو دردلريمي - اؤپمهيه دوردوم- : اووف! هايقيرمايا بيلمزديم: - بيز بويوكلويون گؤز بهبهيي تانرينين گئرچك جسارتي ييك – قان قوخولو گؤزلريميزدن قيامت بيله اوتانمايا بيلمز! Qiyamət utanmaya bilməz Tök saçlarını qara günəşlərinə Görünməsin yağmur...nazlım یازینین آردیYazının ardı... \|+\| یازاری Yazarı Lida Əhmədi لیدا احمدی 2008/6/14 \|


	Durğun... دورغون. ساعاتلاردان دئییل یالنیز. کؤپکلر، چوروموش سوموکلر آردینجا هوروشمزلرسه . . . دور! آدیم دیللرینه دولاشیر... آدیم آغیزلاریندان آخیر... آدیم...هور------ هور-------------هور! آرخاما باخمادان یئنه باخسانا، دیم دیک دورموشام گؤیه قارشی...: "منی سئون؛ - بوتونلشن- لره...سلام " ! "منی سوران؛ بوتون -کؤپک- لره...: سوموک" ! تیترک آنلام سویوق بئینیمده سیجاقلیق آختاریر...اویان! اولمازجاسینا چاتلاقلاردان آخینیر سؤزجوک. ساعاتلارین، دوراق چیرپینیشلاریندان دئییل... بو شعر...، بو سس...، یاساق - من -دیر سادهجه. دورغون. Durğun. Saatlardan deyil ylnız. Köpəklər, çürümüş sümüklər ardınca hürüşməzlərsə...DUR! ..... یازینین آردیYazının ardı... \|+\| یازاری Yazarı Lida Əhmədi لیدا احمدی 2008/5/24 \|


	احمد شاملو: یاشام پارچالاری دئییل شعر........اوزودور یاشامین! احمد شاملو : آیدا آینادا دوداق لارین شعر اینجهلییی له ان سیجاق اؤپوشلری؛ اؤیله اوتانجا چئویریر کی... داغدا یاشایان جانلی اوندان یارارلانماق ایستهییر اینسان شکلینه گلمک اوچون! و یاناق لارین... یازینین آردیYazının ardı... \|+\| یازاری Yazarı Lida Əhmədi لیدا احمدی 2008/5/17 \|


	سنده اؤلدوم شهریم. منی سئومه یه ن یازیق - قادین - لاریندا و یازیقلیغا وورغون آلچاق - ار - لرینده. هئی! سنده اؤلدویوم شهریم! قاپ قارانلیغیندا دوغولدوم کؤرپه گؤناهلاریملا بویودوم. چیرلی بؤجک لی دؤشونجه لر اوداسیندا. آدیم بیله اولمادی، گؤرونتولردن سئچه بیله سی اؤزومو... و قحبه لیک له دولو ممه لریندن اممه دیییم سوت... اووووف!!! آند ایچه سی قوتساللیغیم بیله اولمادین سنده اؤلدویوم... - شهریم - . \|+\| یازاری Yazarı Lida Əhmədi لیدا احمدی 2008/5/15 \|


	گؤزلر، باغلی قاپی لاری داشییان یورغونلوق. باجالار بؤجک لر آغزیندا... و ایشیق، دئویرین، اودوزولموش اینام اؤدولودور، اینسان سفاحتی قوروغوندا. . اؤیره ن میرم سه ، - هانسی حماسه اوخولویام؟ .... قهرمان یوخلوغوندا...؟ دیشی ساواش بویو؛ ایچی اؤلوم. قورشون قورشون اودورامسا دا – درینلیییمه- ، گؤرونمهدیییم –یارالیق- یولودور آغلامادیغیم وارلیق باتیسی Gözlər bağlı qapıları daşıyan yorğunluq. Bacalar böcəklər ağzında Və ışıq Devrin ! uduzulmuş -inam- Ödülüdür .... Insan səfahəti qoruğunda ,Öyrənmirəmsə ؟…Hansı həmasə oxuluyam ….Qəhrəman yoxluğuna Dışı savaş boyu Içi ölüm Qurşu qurşun uduramsa da -dərinliyimə Görünmədiyim –yaralıq- yoludur ağlamadığım –varlıq- batısı . duraq duraq batan adımda یازینین آردیYazının ardı... \|+\| یازاری Yazarı Lida Əhmədi لیدا احمدی 2008/5/15 \|


	دیل شعرین هر نه یی دیر! سایین دوست لار اوزه رینیزده کی مقاله،تاماملانمامیش وقصورلو اولسادا، بعضی ندن لره گؤره، سایتدا قویماغا تلسدیم. اومورام بونو منه باغیشلارسینیز. مارتین هایدگئر "دیل وارلیغین ائویدیر" دئییبدیرسه، «هئنری بئرگسون» "دیل وارلیغی تانیماق اوچون اویغون دئییل" سؤیلهمیشدیر. بو ایکی سؤزون بیر بیریندن فرقی قدهر، دیل حاققیندا سؤزلر گئدیبدیر... یازینین آردیYazının ardı... \|+\| یازاری Yazarı Lida Əhmədi لیدا احمدی 2008/5/11 \|


	بیله بیلمزسن بم بیاض آغریلی بؤیوک لویوم . . . گؤزلریندن اوجالان باخیش دئییل، اینسانین گئرچگ جسارتی دیر، تانریلیغا دوغرو. ... \|+\| یازاری Yazarı Lida Əhmədi لیدا احمدی 2008/5/8 \|